فنڈنگ کیس کا جو بدترین فیصلہ ہوسکتا ہے وہ آئے گا ، فواد چوہدری

0 123

Get real time updates directly on you device, subscribe now.

تحریک انصاف اور عمران خان کو دیوار سے لگانے کی کوشش ناکام بنا ئیں گے ریاست ، ملک اور عوام کو دیوار سے نہیں لگا سکتے، پی ٹی ائی رہنما کی میڈیا سے گفتگو
اسلام آباد: پاکستان تحریک انصاف کے رہنما اور سابق وفاقی وزیر فواد چوہدری نے کہا کہ ملک میں مکمل طور پر فسطائیت ہے، تحریک انصاف کو الیکشن کمیشن سے کوئی امید نہیں ، فنڈنگ کیس کا جو بدترین فیصلہ ہوسکتا ہے وہ آئے گا ، تحریک انصاف اور عمران خان کو دیوار سے لگانے کی کوشش ناکام بنا ئیں گے۔ تفصیلات کے مطابق میڈیا سے گفتگو کرتے ہوئے انہوں نے کہا کہ اداکاروں کوعمران خان کی حمایت میں ویڈیوز پر دھمکیاں مل رہی ہیں ، ان لوگوں نے ملک کومکمل طور پر آمریت میں دھکیل دیا ہے ، ریاست ، ملک اور عوام کو دیوار سے نہیں لگا سکتے، امید ہے سپریم کورٹ دونوں معاملات کو دیکھے گی۔سابق وفاقی وزیر نے کہا کہ پنجاب میں تمام کریانہ سٹور بند کردیے گئے، تاجروں کورات 9 بجے دکانیں بند کرنے کا کہہ دیا گیا، شہروں کی دکانوں کا دارومدار اس سے جڑا ہوا ہے، پاکستان کا عام آدمی عجیب حالات کا شکار ہوگیا ہے ، سب اپنے مقدموں کے پیچھے لگے ہوئے ہیں ، ایک دن پتا چلے گا کہ یہ فرار ہوگئے ہیں۔خیال رہے کہ پاکستان تحریک انصاف کی ممنوعہ فنڈنگ کیس میں دلائل مکمل ہونے پر الیکشن کمیشن نے فیصلہ محفوظ کرلیا تھا ، اس حوالے سے چیف الیکشن کمشنر کی سربراہی میں پی ٹی آئی کے ممنوعہ فارن فنڈنگ کیس کی سماعت ہوئی جس میں درخواست گزار اکبر ایس بابر کے فنانشل ایکسپرٹ نے دورانِ سماعت بتایا کہ پی ٹی آئی فنڈز میں آڈٹ کے اصول اور معیارکو نظر انداز کیا گیا ہے ، ڈونرز تھرڈ پارٹی نہیں ، پی ٹی آئی قیادت کی اپنی بنائی ہوئی کمپنیاں ہیں۔اس دوران اکبر ایس بابر نے کہا کہ پہلی بارکوئی سیاسی جماعت الیکشن کمیشن میں فنڈنگ کی تفصیلات دے رہی ہے، ہر سیاسی جماعت کو الیکشن کمیشن کے سامنے جوابدہ ہونا چاہیے۔ اس پر چیف الیکشن کمشنر نے کہا کہ تمام فریقین کا شکریہ ادا کرتے ہیں ، پاکستان تحریک انصاف کا کیس فائنل ہوا ہے ، چاہتے ہیں دوسری سیاسی جماعتوں کے کیسزکا بھی اختتام ہو ، یقینی بنائیں گے کسی کے ساتھ امتیازی سلوک نہ ہو اور ووٹر کا اعتماد بحال ہو ، ملک کو جمہوری طور پر مضبوط کرنا ہے۔ اس کے ساتھ ہی الیکشن کمیشن نے پی ٹی آئی ممنوعہ فارن فنڈنگ کیس کا فیصلہ محفوظ کرلیا۔

50% LikesVS
50% Dislikes
Leave A Reply

Your email address will not be published.