نوازشریف وطن واپسی کی تاریخ کا فیصلہ خود کریں گے، شاہد خاقان عباسی

0 67

Get real time updates directly on you device, subscribe now.

ملکی معیشت کی تباہی کے ذمہ دار صرف عمران نہیں ہم سب ہیں، مشکل فیصلے کرنے ہوں گے
اسلام آباد :سابق وزیراعظم شاہد خاقان عباسی نے کہا ہے کہ نوازشریف وطن واپسی کی تاریخ کا فیصلہ خود کریں گے، ملکی معیشت کی تباہی کے ذمہ دار صرف عمران خان نہیں ہم سب ہیں ، مشکل فیصلے کرنے ہوں گے۔ نجی ٹی وی سے گفتگو کرتے ہوئے سابق وزیراعظم کا کہنا تھا کہ کمزور ملکی معیشت کو بہتر بنانے کے لیے اقدامات کیے جارہے ہیں، ہمیں معیشت سمیت بہت چیلنجزکا سامنا ہے، تکنیکی طور پر پاکستان ڈیفالٹ نہیں ہے، معاشی معاملات کو مینج کرنا پڑتا ہے جس کیلئے مشکل فیصلے کرنے ہوں گے، ملکی معیشت کی تباہی کے ذمہ دار عمران خان یا کسی اور کو ٹھہرانا ٹھیک نہیں ہے۔ ملکی معیشت اگر کمزور ہے تو اس کے ذمہ دار سب ہیں۔انہوں نے مزید کہا کہ انصاف کے معیار کے مطابق عمران خان نااہل ہیں، راناثنااللہ کے خلاف بے بنیاد مقدمہ بنایا گیا،عدالت نے راناثنااللہ کو بری کردیا، کس نے کیا کیا اس کی کھوج لگانا چھوڑدیں ،ملکی معیشت پر توجہ دیں۔ن لیگی رہنما نے سلیمان شہباز پر بات کرتے ہوئے کہا کہ سلیمان شہباز سیاست میں نہیں ہیں ان پر بھی نیب نے جھوٹا مقدمہ کیا تھا، سلیمان شہباز عمران خان کے دور میں برطانیہ گئے، گزشتہ حکومت کو معافی مانگنی چاہیے، تسلیم کرنا چاہیے کہ ان کو گمراہ کیا گیا تھا۔نوازشریف کی واپسی کی تاریخ کا فیصلہ وہ خود کریں گے، نوازشریف سیاسی طور پر پاکستان میں میدان سنبھال چکے ہیں،اسمبلیاں تحلیل ہوں گی تو الیکشن ہوں گے پنجاب میں ہم جیت جائیں گے،الیکشن کمیشن کا کام انتخابات کرانا ہے ، ان کے معاملات میں مداخلت نہیں کرنی چاہیے

50% LikesVS
50% Dislikes
Leave A Reply

Your email address will not be published.