وزیر خارجہ رومانیہ اور سپین کے دورے پر روانہ ہو گئے
Get real time updates directly on you device, subscribe now.
شاہ محمود قریشی دورے کے پہلے مرحلے میں رومانیہ جائیں گے، وزیر خارجہ دو روز رومانیہ میں قیام کے بعد سپین جائیں گے
اسلام آباد: وزیر خارجہ شاہ محمود قریشی رومانیہ اورسپین کے دورے پر روانہ ہو گئے، دورے کے پہلے مرحلے میں رومانیہ جائیں گے، وزیر خارجہ دو روز رومانیہ میں قیام کے بعد سپین جائیں گے ۔ وزیر خارجہ شاہ محمود قریشی رومانیہ کے وزیر خارجہ سمیت اہم شخصیات سے ملاقاتیں کریں گے جن میں تعلقات میں فروغ، باہمی تعاون،اہم علاقائی و بین الاقوامی امور پر تبادلہ خیال کیا جائے گا۔ وزیر خارجہ دورے کے دوسرے مرحلے میں(آج)10 جنوری کو سپین جائیں گے جہاں اپنے ہسپانوی ہم منصب اور ہسپانوی پارلیمنٹ کے اراکین سے ملاقاتیں کریں گے۔ رومانیہ اورسپین دو طرفہ تعلقات اور یورپی یونین کے تناظر میں پاکستان کے اہم شراکت دار ہیں