عمران خان 2 کروڑ لوگوں کو غربت کے جہنم میں گرا چکے ہیں

لاہور:پاکستان مسلم لیگ (ن) کی ترجمان مریم اورنگزیب نے کہا ہے کہ عمران خان 2 کروڑ لوگوں کو غربت کے جہنم میں گرا چکے ہیں۔اپنے ایک بیان میں لیگی رہنما مریم اورنگزیب نے سیلز ٹیکس ری فنڈز فوری ادا کرنے کا مطالبہ کرتے ہو ئے کہا ہے کہ ٹریکٹر اور زرعی آلات بنانے والے یونٹس بند ہونا افسوسناک اور ملک کی معیشت کے لئے خطرناک ہے، ٹریکٹر اور زرعی آلات بنانے والے یونٹس کا بند ہونا زراعت اور صنعت دونوں کی تباہی کا ثبوت ہے۔انہوں نے کہا کہ ملک کی زراعت اور کسان متاثر ہوں گے، غربت اور بے روز گاری میں مزید اضافہ ہوگا ، یہ عمران صاحب کی لائی’’ترقی’’ کے بھیانک ثمرات ہیں،2 لاکھ خاندان متاثر ہوں گے، پہلے ہی 60 لاکھ بے روزگار ہو چکے ہیں،عمران صاحب 2 کروڑ لوگ غربت کے جہنم میں، گرا چکے ہیں،پیداواری یونٹس سمیت دیگر تمام کو فی الفور سیلز ٹیکس ری فنڈ کی ادائیگی یقینی بنائی جائے،2 لاکھ خاندانوں کو بے روزگاری، بھوک اور افلاس کا شکار ہونے سے بچایا جائے۔